Chega a Galiza a iniciativa que revolucionou a cadea de valor do leite en Francia

Publicado por o día 24/04/2019 na sección de Galicia

Chega a Galiza a iniciativa que revolucionou a cadea de valor do leite en Francia

O Sindicato Labrego e “C’est qui le patron? / Quen é o xefe?” presentarán por primeira vez na Galiza esta iniciativa social na que a propia cidadanía vota o tipo de leite que quere consumir, a que prezo e en que medida se remunera o traballo nas granxas.

A que está considerada como “A marca [email protected] consumidor/a” conseguiu agrupar en Francia 155 granxas que xa levan vendidos máis de 107 millóns de litros de leite cun prezo en orixe de 39 céntimos e de venta ao público de 99 céntimos. Son os propios consumidores e consumidoras quen escollen os compromisos destas granxas, con garantías como que as vacas pazan entre 3 e 6 meses ao ano e que nos seus complementos alimenticios se utilicen forraxes cultivados a menos de 100 km da granxa e sen presenza de transxénicos.