Cidadáns ve falta de imaxinación no programa de San Froilán deste ano

Olga Louzao considera que o Caudal Fest puido restar a afluencia de persoas
Publicado por o día 15/10/2018 na sección de Ciudadanos,Política

Cidadáns ve falta de imaxinación no programa de San Froilán deste ano

O Grupo Municipal Cidadáns Lugo quixo agradecer esta mañá aos lucenses a súa gran participación nas festas patronais da cidade, “grazas aos veciños conseguiuse que o San Froilán volva ser unha das festas máis importantes de Galicia”, afirma Olga Louzao, portavoz de Cidadáns.

A pesar do bo tempo, este ano o número de persoas que acudiron ás festas foi moito menor, o que puido ser provocado polo Caudal Fest ao ser xusto unha semana antes do inicio das celebracións. “Xa se advertiu ao Goberno Municipal que a proximidade de datas entre o Caudal Fest e o San Froilán podía restarlle importancia á segunda, e parece que así foi”, opina Louzao, “a isto tamén hai que sumarlles a falta de ideas do goberno, ao non achegar novidades con respecto a outros anos”.

A única achega con respecto aos anos anteriores, foi o servizo de autobuses nocturnos a demanda proposto por Cidadáns, que “logrou que todos os veciños puidésemos gozar dunhas festas máis seguras”, considera Louzao. De feito, no seguinte pleno vai propoñer que estes servizos continúen o resto do ano, para mellorar a seguridade nocturna e evitar as agresións machistas.