Cidadáns Vigo denuncia a grave deterioración da Gran Vía de Vigo

Gregorio García: “Unha das principais arterias da cidade non pode presentar tal estado de abandono”
Publicado por o día 08/02/2019 na sección de Ciudadanos,Galicia,Política,Vigo

Cidadáns Vigo denuncia a grave deterioración da Gran Vía de Vigo

O Coordinador de Cidadáns en Vigo, Gregorio García, denuncia a deterioración e graves deficiencias que presenta a Gran Vía de Vigo. “cremos que as políticas de conservación e mantemento son moi importantes para previr futuros danos e dar un bo servizo aos cidadáns” denuncia o coordinador de Cs en Vigo, Gregorio García.

Desde Cidadáns alértase do “preocupante estado” que presenta o tramo da Gran Vía entre Praza España e Rúa Lepanto debido á ausencia de políticas de mantemento por parte da “Concellería de Seguridade e Mobilidade” do Concello de Vigo. O responsable desta área debe ocuparse de que o mantemento das vías da cidade de Vigo, sexan propiedade municipal ou non, consérvense en perfecto estado de uso.

Desde Cidadáns considérase que os Concellos, como entidades responsables da supervisión e mellora das infraestruturas da súa área teñen como obrigación manter os viarios e a súa contorna da mellor forma posible, salvagardando a seguridade dos seus usuarios e a paisaxe dos habitantes da zona.

García considera que “O Alcalde de Vigo non inviste o suficiente en mantemento xa que non é algo co que poida ocupar portadas en xornais, pero desde Cidadáns consideramos que a longo prazo un bo mantemento reduce custos maiores en reparacións integrais de vías, infraestruturas ou edificios municipais “.

Por iso, desde Cidadáns exponse que se dea traslado das cuestións expostas ao Concelleiro responsable da área “de Seguridade e Mobilidade” e que se proceda ao asfaltado e repintado do viario de Gran Vía para poñer fin a esta situación.