Cinco persoas resultan feridas despois de envorcar o vehículo no que viaxaban en Poio

Publicado por o día 26/03/2018 na sección de Sucesos

Cinco persoas resultan feridas despois de envorcar o vehículo no que viaxaban en Poio

Os cinco ocupantes dun vehículo resultaron feridos esta mañá á altura da  localidade pontevedresa de Poio.

O accidente ocorreu pasados uns minutos das 06:30 horas de hoxe. Foi a esa hora, cando os servizos sanitarios de urxencia alertaron ao persoal do Centro Integrado de Atención ás Emerxencias 112 Galicia. Indicaban que un turismo se saíra da vía e envorcara na VG 4.8, á altura do cemiterio de Poio. Os cinco ocupantes estaban fóra do turismo por iso non foi preciso o uso do material de excarceración.

Nada mais recibir o aviso dos técnicos sanitarios, o CIAE puxo os feitos en coñecemento dos axentes de Tráfico, dos membros do GES de Sanxenxo e, ademais, informou da situación aos efectivos de Protección Civil da localidade e ao persoal do servizo de mantemento da vía.