Cincuenta metros cadrados de arte floral ao estilo Ponteareas na vila de Orotava en Canarias

O Alcalde de Ponteareas destaca a importancia deste estreito irmanamento que enriquece ás dúas cidades
Publicado por o día 08/06/2018 na sección de Galicia,Ponteareas

Cincuenta metros cadrados de arte floral ao estilo Ponteareas na vila de Orotava en Canarias

Once alfombristas do Cantón de Boavista acompañados do Alcalde de Ponteareas, Xosé Represas e da concelleira de Comercio, Inés Vidal, representan a Ponteareas na vila da Orotava en Canarias.

No día de hoxe, confeccionaron unha alfombra floral de cincuenta metros cadrados na rúa perfilada co capucho da landra de carballo e realizada con urceira verde e negra, pampullo, tuia, rosas e caraveis levados dende Ponteareas e outras flores facilitadas todas pola asociación de alfombristas de La Orotova.

Cun deseño de motivos florais, ao estilo Ponteareas, a alfombra ponteareá atrapou a ollada dos moitos visitantes que se achegan ao longo desta semana a La Orotova.

O Alcalde de Ponteareas destaca a importancia deste estreito irmanamento que enriquece ás dúas cidades e fai que compartan coñecementos e o mesmo gusto pola arte floral.