O Club de Patinaxe Rosaleira organiza coa colaboración do Concello de Mos o II Trofeo Rosaleira Vila de Mos

Despois do éxito obtido o ano pasado, cando se contou coa participación de 465 patinadores e patinadoras, este ano volve a segunda edición do Trofeo Rosaleira
Publicado por o día 24/05/2017 na sección de Deportes,Eventos,Galicia,Mos,Vigo

O Club de Patinaxe Rosaleira organiza coa colaboración do Concello de Mos o II Trofeo Rosaleira Vila de Mos

Este ano conseguiuse superar a edición pasada, na que xa se contara con clubs participantes de todos os recunchos da comunidade galega. Nesta ocasión cóntase coa participación de clubs que asisten desde a Coruña e Santiago de Compostela como o Club Costa da Morte, Club Patín Oroso, Club Fontiñas, Club Alquimia Carral, Club Brincadeira e Club Sarela. En representación de Lugo veñen participando o Club Anca de Lugo, e desde Ferrol, o Club Buxaina. Representando á provincia de Ourense estará o Club Fénix e como non, da provincia de Pontevedra, veñen desde Vigo, Club Águia de Vigo, Club a Oliveira, Patinaxe Balaidos, desde Redondela chega o Club Bolboreta, o CPA Ribex, de Tui, de Ponteareas o Club Luar, desde Gondomar o Club Eixo Gondomar, e de Soutomaior, o Club Sotomaior.

Tamén se contará coa agrupación Xiramos do Concello de Mos e coa participación das nenas do Club Rosaleira.

O trofeo celebrarase en dous días, o 27 e 28 de maio.

O 27 de maio o horario será de 10.00 horas a 14.30 horas e de 16.30 horas en diante. O día 28 o horario será pola tarde e se comezará ás 16.30 horas; e a entrega de trofeos realizarase ás 20.00 horas.

O II Trofeo Rosaleira Vila da Mos celebrarase no Pavillón Óscar Pereiro.