A Xunta inicia o proceso de adxudicación de cinco vivendas protexidas rehabilitadas polo Consorcio do Casco Vello de Vigo

O prazo para cumprir este trámite é de quince días hábiles
Por o 18/12/2017 | Sección: Galicia,Vigo
A Xunta inicia o proceso de adxudicación de cinco vivendas protexidas rehabilitadas polo Consorcio do Casco Vello de Vigo

Instituto Galego de Vivenda e Solo publica hoxe (18-12-2017) senllas resolucións nas que se anuncian as aperturas dos procedementos de selección de adxudicatarios das Vivendas de Promoción Privada Autónomica impulsadas polo Consorcio Casco Vello de Vigo nas rúas Subida á Costa 5  (Exp. P09-VC-0001/16 , 1 vivenda)  e Subida ao Castelo 12(Exp. P09-VC-0002/15, 4 vivendas)  Pulsando sobre as dúas ligazóns anteriores poderás acceder ao contido de ambas as resolucións.

 Se estás interesado nalgunha das cinco vivendas que suman ambas as promocións e déchesche de alta no Rexistro Único de Demandantes de Vivenda da Xunta de Galicia con anterioridade a esta publicación, ten en conta que tes un prazo de “quince días hábiles contados desde o seguinte ao da derradeira publicación desta resolución de inicio” para solicitar a túa inclusión no procedemento de adxudicación.

Para iso deberas presentar a solicitude segundo o MODELO DE FORMULARIO  que se inclúe como anexo nas propias resolucións (a publicación aclara que non se admitirán solicitudes que non se axusten a estes modelos). Esta solicitude pódese presentar nos puntos de rexistro admitidos pola lei. En Vigo podes facelo, por exemplo,  no edificio administrativo da Xunta de Galicia na zona das Avenidas, pero en calquera caso achegamos as direccións e medios de contacto das delegacións e a sede central do IGVS onde tamén poderás entregala e consultar calquera dúbida que poida xurdir. 

Podes coñecer algunhas características das vivendas que agora saen a concurso pulsando na seguinte ligazón. 
As vivendas para as que se inicia o procedemento de adxudicación son as seguintes:
Emprazamento

Características das vivendas

Prezo de venda €

Subida á Costa 5-1º

69,11 m². 2 dormitorios
114.031,50

Subida ao Castelo 12

77,05 m². Baixo+semisoto. 2 dormitorios

125.206,25

Subida ao Castelo 12

75,55 m² Baixo+semisoto. 2 dormitorios

122.768,75

Subida ao Castelo 12

55,77 m². Baixo+1ª planta. 1 dormitorio

94.809,00

Subida ao Castelo 12

55,72 m². Baixo+1ª planta. 1 dormitorio

94.724,00