Complicado o rescate dun ciclista que resultou ferido de consideración tras caer da bicicleta en Oímbra

Publicado por o día 21/07/2020 na sección de Sucesos

Complicado o rescate dun ciclista que resultou ferido de consideración tras caer da bicicleta en Oímbra

Durante mais de catro horas durou o operativo posto en marcha polo 112 Galicia para rescatar a un ciclista que sufriu unha caída coa bicicleta que manexaba á altura do lugar de Videferre, en Oímbra (Ourense).

O ciclista recorría unhas pistas forestais e no momento de sufrir o accidente atopábase á altura da Capela de Santa Mariña. Así o comunicaba o alertante que chamou, sobre as 21:15 horas da pasada noite ao 112 Galicia para pedir axuda.

Nada mais recibir a chamada do alertante, os xestores do 112 puxeron en marcha o operativo de rescate, que resultou ser bastante complexo debido á importancia das lesións ocasionadas. Ata o lugar desprazáronse os Servizos Sanitarios de Urxencias de Galicia-061 e tras valorar o estado do ferido optaron por derivar ao punto o helicóptero medicalizado con base en Ourense, aínda que, finalmente, foi evacuado en ambulancia e trasladado ata o Hospital de Verín.

Ademais formaron parte do operativo a Garda Civil e os Bombeiros de Verín, que portaron a pé durante 200 metros ao ferido nunha padiola ata a ambulancia que o agardaba no pobo.

Menor ferido en Becerreá

Tamén, sobre as 20:00 horas deste luns, o 112 Galicia era informado por unha persoa particular doutra caída de bicicleta en Becerreá (Lugo). Neste caso tratouse dun neno que caera coa súa bicicleta por un terraplén duns dous metros con bastante maleza, fronte á piscina municipal. Así o aseguraba o alertante.

Decontado, os xestores de emerxencias puxeron os feitos en coñecemento do persoal sanitario, do GES da localidade e da Garda Civil. Tamén foron informados os Bombeiros de Sarria.

Tras recoller ao menor, os membros do GES confirmaron que o neno estaba totalmente accesible e que fora evacuado nunha ambulancia do Servizo de Urxencias Sanitarias de Galicia-061 ao centro hospitalario de referencia.

Una respuesta para "Complicado o rescate dun ciclista que resultou ferido de consideración tras caer da bicicleta en Oímbra"

  1. Pueblo y Gente   23/07/2020 at 18:45

    Gracias a todos por la gran ayuda y ese humanismo para salvar una vida. …ha sido un rescate muy complicado y laborioso, además de la grave lesión del ciclista que requería una evacuación con un protocolo riguroso y muy técnico por el tipo lesión grave del ciclista y las indicaciones médicas del 061, al final fue logrado con la colaboración de la Guardia Civil; Bomberos de Verín ; Personal de Protección Civil y Vecinos de Videferre; que damos una vez mas NUESTRO AGRADECIMIENTO Y ABRAZO ; a pesar de la gran tristeza y dolor cuando hay que enfrentarse a estos accidentes en jóvenes de temprana edad; así queremos y estamos seguros llegará para ser atendido con el mejor equipo médico y su asistencia hospitalaria , Sí ese Potencial Humano y Científico que ya preparado estaba para empezar su asistencia médica especializada mas todos aquellos responsables que han sabido de este caso y su traumatismo para recibir todos los medios en la asistencia sanitaria y social que merece…Una vez mas Gracias, Gracias con toda la Bendición de Dios y nuestra gratitud para que mejore y tenga una pronto recuperación …Siempre oremos por esa Esperanza ; Amor y Fe , así estamos PRESENTES PUEBLO Y GENTE EN FAMILIAS…. Gracias a todos.20-07-2020.

    Responder

Comentar noticia

Your email address will not be published.