Compromiso por Galicia lamenta a inutilidade dos deputados de En Marea en Madrid para defender os intereses de Galicia no estado

📣 Publicado por el 15/01/2019 en la sección de Compromiso por Galicia - Política

Compromiso por Galicia lamenta a inutilidade dos deputados de En Marea en Madrid para defender os intereses de Galicia no estado

Os galeguistas vigueses, por voz do seu secretario local, Xoán Antonio Cortés, critican a mais que lamentable xestión dos orzamentos por parte dos deputados de En Marea no Congreso dos deputados, onde Galicia perde peso político e peso, finalmente, nas partidas orzamentarias. Nun momento político sen maiorias absolutas no estado e no que os votos dos deputados e deputadas de “En Marea” son imprescindibles para sacar adiante estes orzamentos, non pode ser que esquecen máis que nunca a Galicia, e que visto o visto, estes van regalar os seus votos a cambio de nada para o territorio por onde foron elexidos.

CON “EN MAREA” E PODEMOS, AO FINAL OLLAMOS COMO “SI SE PUEDE”, EFECTIVAMENTE, DEIXAR A GALICIA SEN PESO POLÍTICO NO ESTADO.” APUNTA XOÁN ANTONIO CORTES.

Desde Compromiso por Galicia observan con moita preocupación como infraestruras pendentes desde fai décadas, seguen sen reflexarse nos orzamentos do estado: AVE a Vigo, Biblioteca do estado ou cidade do transporte. Por outra banda, Xoán Antonio Cortés, secretario local galeguista anota: “Con “En Marea” pode ser que Galicia non saia reforzada nestes presupostos xerais, os votos entregados polos galegos aos de Podemos, ao final, ven se ve que non teñen valor en Madrid. Con “En Marea” e Podemos, ao final ollamos como “si se puede”, efectivamente, deixar a Galicia sen peso político no estado.”

O GOVERNO DO PARTIDO DE CABALLERO DEIXA FORA AOS CIDADÁNS DE VIGO DOS ORZAMENTOS.

Por outra banda Cortés Alonso, anota como o governo do PSOE, deixa fora dos presupostos a Vigo, seguindo a liña de baixada de investimentos do estado en Galicia. No fondo o que se desmostra é algo que se demostra ano a ano e é que Galicia deixa de ter relevancia dentro do estado e non xoga ningun papel político, a perda de representación de forzas políticas autóctonas, con centro de poder no noso País, finalmente desemboca nesta situación de irrelevancia e inexistencias políticas de Galicia.