Comunicado de Eu Também Som Escárnio e Maldizer

Publicado por o día 09/06/2017 na sección de Protestas,Social,Vigo

Comunicado de Eu Também Som Escárnio e Maldizer

Ante a manifestaçom do sabado 10 de junho do Escárnio queren comunicar:

Que a nossa principal prioridade é celebrar esta jornada de luita e reivindicaçom em total tranquilidade permitindo que se levem a cabo todas as actividades projetadas para este dia de jeito normal. Alegramo-nos e agradecemos imensamente a quantidade de apoios e solideriedade recebida e pretendemos levar a cabo a nossa grande manifestaçom garantindo a nossa seguridade e a de todas as vizinhas e pessoas manifestantes. Nom imos permitir, de nengumha maneira, novamente agressons e palizas propinadas por parte dos corpos policiais o passado dia 30 de maio que deixárom mais de 50 feridas.

Do Escárnio priorizamos a unidade, a irmandade e os cuidados entre as manifestantes e nom julgamos o jeito no que tu venhas a manifestaçom. Todas as reaçons e propostas som necessárias e se complementam umhas as outras e quantas mais formas e diversidade de expressons das nossas reivindicaçons e consignas melhor será. Por isso, impulsionamos umha manifestaçom diversa e para toda a gente onde podes ir como melhor consideres.

Animamo-vos a todas a expressar a vossa solidariedade e acudir a manifestaçom deste sábado. Rachar co medo constante que estes dias tratam de infundir os meios em especial o panfleteiro El correo gallego, e acudir com alegria e força para expressar-nos bem alto e claro.

A luita é o único caminho!
10, 100, 1000 CENTROS SOCIAIS!

CARTAZ