O concello de Bueu renovará a rede de abastecemento na avenida da barca e de Marín

O proxecto, cun orzamento de preto de 45.000 €, presentarase a unha subvención no marco do Fondo de Compensación Ambiental
Por o 13/02/2018 | Sección: Bueu,Galicia
O concello de Bueu renovará a rede de abastecemento na avenida da barca e de Marín

O Concello de Bueu acometerá a renovación do tramo da rede de abastecemento entre a Avenida da Barca e a de Marín, proxecto orzamentado en case 45.000 € e que se presentará a unha subvención da Xunta de Galicia con cargo ao Fondo de Compensación Ambiental 2018.

Félix Juncal, alcalde de Bueu, salienta que os obxectivos son dous: dunha parte renovar as tubaxes que se atopan en mal estado e que causan continuas avarías e molestias á cidadanía, e por outra, permitirá levar a cabo un incremento da presión en certas zonas. Así, poderíase ampliar chegar a cotas máis altas, ampliar as redes actuais e darlle máis cobertura aos usuarios/as das zonas próximas, como Loureiro, Agrelo, ou diversos lugares de Cela, como Castiñáns, Resille ou Sabarigo.

A idea do executivo local é que se aprobe a subvención, toda vez que dende a Xunta de Galicia están priorizando as actuacións relacionadas co abastecemento de auga.

Noticias de última hora en Vigo

Comentar noticia

Your email address will not be published.