O Concello do Grove realiza un novo reparto de compost gratuíto

O reparto realizarase o vindeiro venres a partires das 9.30 horas na Praza do Corgo.
Publicado por o día 22/02/2018 na sección de Galicia

O Concello do Grove realiza un novo reparto de compost gratuíto

Froito da boa evolución do plan de compostaxe do Concello do Grove, esta semana vólvese a contar con recursos para realizar un novo reparto de compost gratuíto, xerado nos composteiros comunitarios instalados na localidade. Ademais diso, a mesa informativa ubicada na Praza do Corgo para tal fin servirá para que aquelas persoas interesadas en dispoñer de composteiros individuais poidan solicitalos. Lémbrase que estes elementos son gratuítos e tan só é preciso inscribirse no plan. O reparto dará comezo ás 9.30 horas e rematará ás 13.00 horas.