O Concello inicia a remodelación do parque Camilo José Cela, que incluirá un ascensor entre Torrecedeira e Pi y Margall

Segundo avanzou Abel Caballero, este venres terá lugar o acto simbólico de colocación da primeira pedra dunha obra de case 2,8 millóns e 14 meses de duración, que suporá a renovación completa do parque e a construción dun elevador que unirá Torrecedeira con Pi y Margall.
Publicado por o día 08/02/2018 na sección de Concello de Vigo,Galicia,Vigo

O Concello inicia a remodelación do parque Camilo José Cela, que incluirá un ascensor entre Torrecedeira e Pi y Margall

O goberno vigués prevé arrancar este venres coa remodelación integral do parque Camilo José Cela, unha obra que forma parte do proxecto Vigo Vertical cofinanciado con fondos FEDER da Unión Europea.

Explicou Caballero que esta reforma conta cun orzamento próximo aos 2,8 millóns de euros e un prazo estimado de obras de catorce meses. Coa reforma do espazo, engadiu o alcalde, o Concello constuirá un elevador “de calidade arquitectónica” que unirá Conde de Torrecedeira con Pi y Margall, á altura do ascensor que xa conecta Pi y Margall coa Avenida das Camelias.

O goberno local transformará un parque infrautilizado nun novo lugar de uso cidadá, detallou o alcalde, con novos pavimentos, a remodelación da parte alta e a creación dunha área de xogo infantil, ademais da execución de novas canalizacións de pluviais, drenaxe, abastecemento, saneamento, rego e novo mobiliario urbano. Os embarques ao ascensor terán cámaras de seguridade.

Dentra da estratexia do Vigo Vertical, o Concello impulsa dous ascensores máis para conectar a rúa Marqués de Valterra con Torrecedeira. Un destes estará á altura da rúa Instituto Oceanográfico e formará parte da segunda fase da humanización de Marqués de Valterra, que comezará a próxima semana, tal e como asegurou este mércores Abel Caballero.

A nomeada fase da humanización, desde a rúa Gaiteiro Ricardo Portela a Juan Ramón Jiménez, presenta un orzamento de 871.000 euros e incorpora a construcción dun ascensor acristalado en Instituto Oceanográfico. O alcalde recordou que o goberno que encabeza proxecta ademais outro elevador á altura de Juan Ramón Jiménez, para dar continuidade ao xa operativo de Camelias a Pi y Margall e ao incluido na obra do parque Camilo José Cela, que arranca o venres, entre Pi y Margall e Torrecedeira.