O Concello instalará cámaras de seguridade intelixentes en puntos estratéxicos da cidade

As cámaras, apuntou o rexedor vigués, activaranse coa detección de persoas e poderán emitir avisos directamente á Policía Local.
Por o 25/08/2016 | Sección: Concello de Vigo,Vigo
O Concello instalará cámaras de seguridade intelixentes en puntos estratéxicos da cidade
Compartir en:

Comezando pola rúa do Príncipe, o goberno de Vigo levará a outros “puntos estratéxicos” da cidade un sistema intelixente de videovixilancia. Abel Caballero explicou este xoves que as cámaras se activarán coa detección de persoas e enviarán automaticamente avisos á Policía Local.

O alcalde, quen recordou que “Vigo é unha cidade segura”, explicou que se van empregar as últimas tecnoloxías para “apoiar” a seguridade da urbe, cun sistema de videocámaras intelixentes emprazadas en “puntos estratéxicos” da cidade, comezando por Príncipe.

As cámaras, apuntou o rexedor vigués, activaranse coa detección de persoas e poderán emitir avisos directamente á Policía Local. O goberno de Vigo estimara inicialmente o investimento en 36.000 euros, cantidade que Caballero baralla ampliar para levar este sistema a outros puntos da cidade.