Publicado por 
O Concello de Vigo remitiu á Tesourería da Seguridade Social unha carta na que reclama oficialmente a cesión do vello edificio da rúa Enrique Lorenzo, onde estaba situado o antigo centro de saúde, para que poida converterse na futura biblioteca de Teis. O alcalde advirte que o inmoble ten uso dotacional, polo que non pode ser vendido.
“Enviamos unha carta para que fagan obras e reparen a mala situación na que está o edificio, non imos tolerar que sexa un foco de marxinalidade”, apuntou Abel Caballero. O rexedor vigués confía en que “impere a sensatez” e anunciou iniciativas parlamentarias para conseguir que a Tesourería ceda o inmoble.
