Convocada unha concentración en condena ao xuízo que Marrocos fará contra activistas saharauís

Organizacións sindicais, sociais e políticas chaman a participar nun novo acto solidario o luns 23 en Vigo
Publicado por o día 20/01/2017 na sección de BNG,CC.OO,CIG,En Marea,Esquerda Unida,Partido Popular,Política,Sindicatos,UGT

Convocada unha concentración en condena ao xuízo que Marrocos fará contra activistas saharauís

Diversas organizacións, chaman a participar na concentración solidaria convocada para o vindeiro luns, 23 de xaneiro, diante do MARCO de Vigo, coincidindo co xuízo que o Reino de Marrocos fará contra 24 activistas saharauís. Coa protesta, que comezará ás 12 horas, quérese reclamar tamén a fixación xa dunha data para a celebración do Referendo de Autodeterminación ao que a pobo saharauí ten dereito.

O pasado 26 de decembro realizouse unha primeira concentración en Vigo por este motivo, coincidindo coa data do xuízo, que finalmente foi suspendido até este 23 de xaneiro.