Cores Tourís informa a Caxopo da colaboración da Xunta con 21 comunidades de augas e asociacións de veciños do Condado-Paradanta

En total, a destinaranse algo máis de 632.600 euros a un total de 60 asociacións da provincia
Por o 06/03/2019 | Sección: Xunta de Galicia
Cores Tourís informa a Caxopo da colaboración da Xunta con 21 comunidades de augas e asociacións de veciños do Condado-Paradanta

O delegado territorial da Xunta en Pontevedra, José Manuel Cores Tourís, informou esta mañá aos responsables de Coxapo (Asociación traídas auga rural) da colaboración da Consellería de Vicepresidencia con 21 comunidades de augas e asociacións de veciños do Condado-A Paradanta e que supón un total de case 262.300 euros.

Trátase de subvencións que permitirán poñer en marcha traballos de instalación ou mellora de infraestruturas hidráulicas coma depósitos de auga, motores para traídas, obras de aproveitamento de mananciais, etc… así como outros investimentos para a mellora de locais sociais, ben sexa con obra nova ou coa compra de material e mobiliario.

En total, veranse beneficiadas 5 comunidades ou asociacións da Cañiza, 3 de Ponteareas, outras 8 de Ponteareas, 3 das Neves e dúas máis de Covelo. Na provincia de Pontevedra son un total de 60 os entes beneficiados, cun unha axuda global de 632.600 euros.

Estas achegas forman parte do Plan Específico de Acción comunitaria destinada a asociacións veciñais, confederacións, federacións ou unións de asociacións de veciños de Galicia; comunidades de usuarios de augas e asociacións de mulleres rurais.

Esta liña de subvencións iniciouse no ano 2016, e a día de hoxe está plenamente consolidada nos orzamentos anuais da Dirección Xeral de Administración Local.

Por parte das asociacións de veciños e asociacións de mulleres rurais este plan concede axudas destinadas ao acondicionamento e mellora dos locais sociais e á compra de novos equipamentos, o que lles permite manter a actividade que desenvolven, así coma a prestación de novos servizos, organización de actividades e

reparacións de camiños veciñais. As comunidades de usuarios de augas poden conseguir axudas para a execución de obras de reparación de traídas veciñais de auga.

As axudas económicas que se conceden poden acadar a totalidade do investimento realizado cun límite máximo por entidade de 12.000 euros para a realización de obras e de 5.000 euros para dotación de equipamentos. Compre destacar que esta orde, para facilitar a execución das obras subvencionadas a estas entidades, prevé a realización de pagamentos anticipado do 100% da contía da subvención concedida.

Comentar noticia

Your email address will not be published.