Denuncian que dous anos despois do anuncio, non hai avanzado na residencia da ETEA

A Asociación tamén demanda que esta residencia inclúa unha centro de día
Publicado por o día 09/05/2019 na sección de A.V. Teis,Galicia,Social,Vigo

Denuncian que dous anos despois do anuncio, non hai avanzado na residencia da ETEA

A Asociación Veciñal de Teis, ven denunciar que dous anos despois do anuncio da construción dunha residencia publica de maiores na ETEA, non houbo  ningún avanzo sobre este proxecto, que estaba previsto rematase  “nesta lexislatura”.

Desde a Asociación Veciñal de Teis,  desde hai anos demandaron a construción dunha residencia pública nos terreos da ETEA, debido a demanda social existente na cidade de Vigo  de prazas para residencias para maiores.

O 2 de marzo de 2017, o conselleiro de Política Social, José Manuel Rey Varela, visitou o edificio onde se construiría a residencia pública  de maiores na ETEA, acompañado de representantes de colectivos sociais de Teis, entres eles unha representación da xunta directiva desta Asociación.

A Asociación Veciñal de Teis, diante da falta de avanzos deste proxecto, dirixiuse por escrito a Conselleira  de Política Social, Fabiola  García  Martínez o pasado 11 de marzo, sen até o de agora recibir ningunha resposta.

Na actualidade tamén puideron comprobar a alta demanda que existe de prazas para centros de día en Vigo, polo que  propoñen que neste proxecto se inclúa  un centro de día, pois nestes terreos da ETEA, hai espazo  dabondo para estas dúas dotacións.

A Asociación Veciñal de Teis, esixen que se avancen na realización do proxecto da residencia pública e do centro de día nos terreos da ETEA, para que en Teis e Vigo podamos contar con estas dotacións sociais  tan demandas.