Dúas persoas resultaron feridas tras saírse da vía o vehículo no que circulaban en Xunqueira de Espadañedo

Publicado por o día 04/01/2018 na sección de Sucesos

Dúas persoas resultaron feridas tras saírse da vía o vehículo no que circulaban en Xunqueira de Espadañedo

Os servizos sanitarios de urxencia trasladaron esta mañá a dúas persoas que resultaron feridas despois de saírse da vía o vehículo no que viaxaban en Xunqueira de Espadañedo.

Segundo os datos facilitados ao 112 Galicia, o accidente rexistrouse minutos antes do mediodía na OU-536, á altura do punto quilométrico 26, no Alto do Rodicio.

Tratouse dun vehículo todoterreno que se saíu da vía e envorcou de lado no medio do carril de subida. Como consecuencia do golpe, os ocupantes quedaron atrapados no interior do vehículo, polo que tiveron que intervir os efectivos do GES de Castro Caldelas.

Unha vez liberados, puideron ser atendidos polos profesionais de Urxencias Sanitarias, que os trasladaron aos hospital de referencia.

Foi a chamada dun particular ao 112 Galicia o que permitiu activar o operativo que completaron as forzas de seguridade.