Dúas persoas trasladadas despois dun incendio nun centro de discapacitados físicos en Ferrol

Publicado por o día 30/12/2018 na sección de Sucesos

Dúas persoas trasladadas despois dun incendio nun centro de discapacitados físicos en Ferrol

Dúas persoas tiveron que ser trasladadas, unha con importantes queimaduras no seu corpo e outra por inhalación de fume, ao declararse un incendio nunha habitación do centro de discapacitados físicos de San Pedro de Leixa, en Ferrol.

O incendio tivo lugar uns minutos despois das 17:30 horas e, segundo os datos facilitados ao 112 Galicia, o centro tivo que ser evacuado.

Foi o propio persoal da residencia quen alertou ao 112 Galicia e, decontado, desde o CIAE-112 pasouse o aviso aos Bombeiros de Ferrol, ao 061-Urxencias Sanitarias e á Policía Local.

Segundo se lle indicou ao 112 Galicia, as persoas evacuadas puideron regresar ao interior do centro unha vez sufocado o incendio.

Comentar noticia

Your email address will not be published.