Elena Muñoz: “Non acepto leccións de Carmela Silva nin de democracia, nin de principios, nin de loita contra a violencia de xénero”

Considera que a presidenta da Deputación de Pontevedra debería explicar os pactos “ás agachadas” de Pedro Sánchez con Bildu e con quen quere romper España
Por o 13/01/2019 | Sección: Galicia,Partido Popular,Política,Vigo
Elena Muñoz: “Non acepto leccións de Carmela Silva nin de democracia, nin de principios, nin de loita contra a violencia de xénero”
A presidenta do Partido Popular de Vigo e candidata á Alcaldía da cidade, Elena Muñoz, afirmou hoxe que non aceptará “leccións” da presidenta da Deputación de Pontevedra, Carmela Silva, “nin de democracia, nin de principios nin de loita contra a violencia de xénero e a favor das mulleres”, criticando ademais o seu uso con fins electoralistas.
 
“Paréceme vergoñoso que Carmela Silva volva utilizar ás mulleres politicamente e que queira que haxa mulleres de primeira e de segunda en función da súa cor política, tentando enfrontarnos”, afirmou Muñoz despois de que Silva cualificase de “terrible” que “mulleres candidatas do Partido Popular” haxan afirmado que non pechan a porta a posibles acordos con Vox.
 
O Partido Popular, indicou, ten “ clarísimo” que non dará “nin un paso atrás” na loita contra a violencia machista, “como demostramos”, lembrando, en referencia ao pacto subscrito en Andalucía, que se trazaron “liñas vermellas” que “en ningún caso traspasáronse”. “O que existe en Andalucía é un pacto con luz e taquígrafos e que todos os españois coñecen”, dixo, a diferenza dos pactos “escuros” e “ás agachadas” que fai o Partido Socialista de Carmela Silva “e que ela apoia” cos que queren romper España como Esquerra Republicana ou Bildu, que son “o contrario de quen apoio a convivencia e a Constitución”.
 
A presidenta do Partido Popular en Vigo lembrou que Carmela Silva votou na Deputación de Pontevedra en contra de apoiar e referendar a Constitución, incidindo en que é presidenta do órgano provincial grazas a un pacto co BNG, que irá en coalición con Bildu nas próximas eleccións europeas. “Iso si debería perecerlle terrible”.

Comentar noticia

Your email address will not be published.