A presidenta e portavoz popular, Elena Muñoz, puxo hoxe en valor a sanidade pública viguesa, encabezada polo Hospital Público Álvaro Cunqueiro. Unha infraestrutura sanitaria de primeira orde á que se referiu como “o mellor hospital público de Europa”, esixíndolle ao alcalde que deixe de usala como arma política arreboladiza.

“Me entristece enormemente escoitar sempre ao alcalde criticar a nosa sanidade pública na procura do seu beneficio político persoal. O Álvaro Cunqueiro é un hospital á vangarda do sistema sanitario nacional, e o alicerce sobre o que se sustenta a reordenación da nosa área sanitaria”, argumentou Elena Muñoz.

Unha valoración que, como lembra, “non realiza o Partido Popular, senón que a fan os propios vigueses” que, como destacou, deron un sobresaliente ao HAC na última enquisa de satisfacción. “Algúns pensan que Vigo son eles, e que só eles poden falar desta cidade. Pero os vigueses teñen voz propia, e están encantados co Hospital Público Álvaro Cunqueiro”, incidiu.

Neste marco, a líder dos populares lamentou a rapidez do alcalde para buscar “comparativas sen sentido” con outras cidades, lamentando que “cuestione a diario a sanidade en Vigo sen ningún tipo de argumento”.

Noticias Vigo

Noticias de última hora en Vigo