Elena Muñoz propón activar a comisión de control da contratación e un código ético para erradicar as políticas socialistas de favorecer a amigos e familiares

Denuncia que a maioría absoluta de Caballero lévalles a pensar que teñen “barra libre” para facer o que queiran sen dar explicacións, e afirma que “é un comportamento intolerable sobre o que xa hai unha sentenza, que non será a última”
Publicado por o día 21/05/2019 na sección de Galicia,Partido Popular,Política,Vigo

Elena Muñoz propón activar a comisión de control da contratación e un código ético para erradicar as políticas socialistas de favorecer a amigos e familiares

A candidata do PP á Alcaldía de Vigo, Elena Muñoz, propuxo esta mañá activar a comisión de control da contratación e un código ético para erradicar as políticas socialistas de favorecer a amigos e familiares.
 
Neste sentido, denunciou que a maioría absoluta de Caballero lévalles a pensar que teñen “barra libre” para facer o que queiran sen dar explicacións, e afirma que “é un comportamento intolerable sobre o que xa hai unha sentenza, que non será a última”, en referencia ao caso do enchufe da cuñada de Carmela Silva, polo que un funcionario foi condenado a cinco anos de cárcere por colocar á familiar da número 2 do PSOE vigués nun traballo que non fixo nunca e polo cobrou máis de 128.000 euros.
 
Neste sentido, a popular considerou “imprescindible” estas medidas tras o último “escándalo” coñecido hoxe e relacionado cunha empresa vinculada ao fillo do devandito funcionario.
 
“A paralización desta contratación é un auténtico paripé”, continuou Elena Muñoz, quen aclarou que a decisión da Xunta de Goberno Local de desistir do procedemento de contratación debeuse “única e exclusivamente” a dous motivos: dun lado, a denuncia do concelleiro do PP e membro da mesa de contratación, Miguel Fidalgo; e doutro, o feito de que estamos en campaña electoral.
 
“En calquera outro momento realizasen esta contratación, como demostraron durante todos estes anos”, incidiu a candidata popular, quen lembrou que leste mesmo funcionario -que “manobrou para enchufar á cuñada de Carmela Silva”-, levaba máis de 4 anos contratando cunha empresa vinculada coa súa familia por un importe superior a 400.000 euros.
 
Neste sentido, Elena Muñoz avogou por acabar coas cada vez máis estendidas prácticas de nepotismo no Concello vigués e defendeu tamén a necesidade de aprobar un Código Ético se chega a gobernar que “poña molestias” ao modelo clientelar do actual goberno vigués, “para cumprir coa transparencia e a legalidade”.
 
“Xa está ben de utilizar os cargos públicos en beneficio propio”, dixo, para agregar que “o goberno socialista non pode seguir utilizando o seu poder para tecer unha rede clientelar de familiares e amigos”. Ao seu xuízo, “é innegable que o goberno local ha convertido o Concello nunha axencia de colocación do PSOE e que o fixo en conivencia coas concesionarias“.
 
“O obxectivo das nosas medidas é que ningún funcionario que fose condenado por un delito (neste caso a cinco anos de cárcere polo enchufe da cuñada de Carmela Silva), sobre todo por malversar fondos públicos, poida campar ás súas anchas con total impunidade”, sinalou.
 
Por último, advertiu que este último escándalo non é un caso illado, e que o que se decide o 26 de maio é “poñer freo a esa rede clientelar e as súas chanchullos”.

Comentar noticia

Your email address will not be published.