En Marea amosa a súa satisfacción pola intervención do Tribunal de Contratos ante as graves irregularidades que se estaban a dar nas adxudicacións por parte do Sergas

A vicepresidenta do Parlamento e deputada de En Marea, Eva Solla, lamentou que a Xunta negase en resposta as denuncias do seu grupo sobre estas irregularidades asegurando que respectaban a Lei de contratación pública, algo que ven de demostrarse que era mentira coa decisión do Tribunal
Por o 25/06/2018 | Sección: En Marea,Política
En Marea amosa a súa satisfacción pola intervención do Tribunal de Contratos ante as graves irregularidades que se estaban a dar nas adxudicacións por parte do Sergas

O grupo de En Marea amosou a súa satisfacción ante a decisión do Tribunal de Contratos de intervir nas adxudicacións das terapias respiratorias e radioloxía po parte do Sergas que como valorou a vicepresidenta e deputada de En Marea, Eva Solla, son “totalmente irregulares” cunha proporción de servizos que se podían dar perfectamente con medios públicos.

Unhas irregularidades que cabe salientar xa advertiu delas o propio Consello de Contas no informe do ano 2012. Ante unha nova licitación, precisamente das terapias respiratorias, o grupo de En Marea ten rexistrado diversas iniciativas solicitando información sobre o cumprimento da legalidade vixente e polos motivos polos que non se está a dar no sistema público. A Xunta de Galicia respondeu xustificando estas contratacións tratando de alegar total normalidade e asegurando que se estaba a cumprir a lei de contratación pública pero vemos agora como o Tribunal de contratos nega esta cuestión e confirma as irregularidades.

En Marea ten presentado proposición non de lei para que este servizos se comece a dar con medios públicos xa que existe capacidade suficiente polo que non se entende porque se ten que facer a través deste tipo de contratacións.

O grupo parlamentario pedirá a comparecencia urxente do conselleiro no último pleno do período de sesións e tratará por todos os medios de que o Goberno galego dea explicacións polas graves actuacións que se están a dar na sanidade pública do noso país e este tipo de contratacións irregulares que “moito teñen que ver coa corrupción”.

Comentar noticia

Your email address will not be published.