En Marea pedirá en pleno a derogación do factor de sostibilidade nas pensións, a eliminación de normativa que discrimine ás mulleres por ser nais e a anulación da suba de peaxes de Rande

O voceiro de En Marea, Luís Villares, presentou os temas que o grupo parlamentario levará ao pleno do Parlamento da vindeira semana entre os que destaca unha proposición de Lei para a anulación do factor de sostenibilidade das pensións.
Publicado por o día 17/04/2018 na sección de En Marea,Galicia,Política

En Marea pedirá en pleno a derogación do factor de sostibilidade nas pensións, a eliminación de normativa que discrimine ás mulleres por ser nais e a anulación da suba de peaxes de Rande

O voceiro de En Marea, Luís Villares, presentou esta mañá na rolda de prensa posterior á xunta de voceiros, os temas que o seu grupo levará ao pleno da vindeira semana no Parlamento de Galicia. Un dos temas principais será a presentación dunha proposición de Lei na que se reclamará a derogación da modificación do Real Decreto Lexislativo 8/2015, do 30 de outubro, polo que se aproba o texto refundido da Lei Xeral da Seguridade Social, que aproba o factor de sostibilidade das pensións. Villares afirmou que “na  situación tan precaria na que se atopa Galicia, é preciso ter un debate na cámara e ser protagonistas nas decisións que se tomen no Estado”.

En relación con esta cuestión, En Marea centrará a sesión de control ao Presidente da Xunta, Alberto Núñez Feijóo, sobre a falta de execución de partidas destinadas á formación de persoas en desemprego dos orzamentos do ano 2017, que nalgún caso  só acadaron o 5 por cento da mesma. Desde o grupo parlamentario apostan por tomar medidas “que aumenten o número de cotizantes e a base de cotización” fronte a medidas “de recortes” impostas polo PP.

No eido “dos Dereitos Fundamentais”, En Marea presentará unha proposición para loitar contra a discriminación no ámbito laboral. O voceiro de En Marea refeiuse a caso da investigadora María de la Fuente quen sufriu unha penalización laboral polo simple feito de se acoller aos seus permisos por maternidade. Neste sentido, o grupo aposta, mediante a inclusión de cláusulas non discriminatorias, por rematar coa actual normativa que penaliza ás mulleres por exercer os dereitos que lles son propios.

O grupo levará tamén unha proposición na que se esixe a anulación da suba dos peaxes de Rande. Neste sentido, o voceiro insistiu na reivindicación do seu grupo de ter unha “AP9 galega, pública e libre de peaxes”, algo que asegurou sería viable coa supresión do proxecto de construción da A-57, levado ao anterior pleno por En Marea.

No refente a cuestións sanitarias, En Marea preguntará ao Goberno galego sobre o posible nomeamento de Carolina González-Criado, Subdirectora de Farmacia do SERGAS e investigada por un presunto delito de homicidio trala denuncia da Fiscalía pola falta de tratamento efectivo para doentes de hepatite C, como Subdirectora Xeral de Calidade do Medicamento no Ministerio de Sanidade. O voceiro de En Marea denunciou que a decisión de non suministrar os medicamentos a estes doentes reponsdeu á cuestións burocrática e non sanitarias,“as drámaticas consecuencias dos recortes sufridos”.

Os deputados e deputadas de En Marea preguntarán ademais polo cumprimento da Lei de Enfermos Terminais aprobada no 2015, xa que como defende o grupo “que todos  e todas temos dereito a unha vida digna ata os derradeiros días”.

No ámbito económico, solicitarase información ao Goberno galego sobre sobre a existencia de informes sobre a implantación de grandes superficies. O voceiro destacou que En Marea aposta polo comercio local como elemento dinamizador fronte a outro modelo que crea traballo precario e non deixa en Galicia os seus beneficios.

Por outra banda, o grupo interpelará ao Goberno polo impacto medioambiental das verteduras de augas residuais procedentes de explotacións mineiras e as medidas que pretende adopta a Xunta no futuro.

Comisión de investigación das Caixas

A preguntas de  xornalistas sobre a sentenza das Caixas de aforros, o voceiro de En Marea explicou que non é máis que unha nova confirmación da mala xestión de Feijoo na que acabou afundindo á banca galega e reclamou a necesidade de poñer a funcionar, tras 9 meses, a comisión de investigación das caixas.

“Feijoo y Rueda consolidan o colapso da Xustiza”

Polo que afecta ao conflito da Xustiza, Villares respondeu que estamos ante a consecuencia dunha actuación duns pésimos xestores que non escoitan aos traballadores nin ao Parlamento de Galicia, fancendo alusión ao acordo unánime da Cámara polo que aprobaba aceptar as reivindicacións dos traballadores de Xustiza.

“Rueda e Feijóo consolidan o colapso da Xustiza. Estanse a retratar como pésimos xestores dun conflito. Os que gobernan teñen que xestionar escoitar e acometer mandatos parlamentarios. Non tiña que ter habido nunca unha folga de Xustiza se fixeran o que tiñan que facer que é obeceder á Cámara galega” asegurou Villares. Así mesmo, o voceiro de En Marea criticou a postura do presidente e do vicepresidente que asegura “escóndense covardemente para non chegar a acordos”. “Existen instrumentos como modificacións de crédito. En Marea nas súas emendas presentabamos xa alternativas para recoller estas demandas” asegurou.