En Marea pide a Fomento que investigue a falla de información e o trato de Ryanair aos usuarios durante os días de folga

Alexandra Fernández traslada a Ábalos a viaxe de 26 horas nun autobús de viaxeiros afectados polas cancelacións desde Milán a Vigo e demanda unha inspeción á compañía aérea
Publicado por o día 30/07/2018 na sección de En Marea,Política

En Marea pide a Fomento que investigue a falla de información e o trato de Ryanair aos usuarios durante os días de folga

A deputada de En Marea no Congreso, Alexandra Fernández, diríxese ao Ministro de Fomento para demandarlle que abra unha investigación á compañía aérea Ryanair pola falla de información, a pésima xestión e o lamentábel trato otorgado a miles de persoas afectadas pola folga dos día 25 e 26 de xullo.
En primeiro lugar, deixa claro Alexandra Fernández que o “dereito á folga exercido polo personal de cabina é un dereito incontestábel”. Mais censura a pésima xestión realizada pola dirección da compañía low cost onde primou a falla de información debida aos miles de pasaxeiros afectados, e un trato lamentábel. En concreto, a deputada de En Marea alude ao sucedido a un grupo de viaxeiros cuxo voó desde Bérgamo foi cancelado e Ryanair meteunos nun autobús durante 26 horas continuadas até Vigo.

Viaxe nun autobús non acondicionado

Un caso que exemplifica a mala praxe da empresa. “Os viaxeiros non foron informados en tempo e forma da cancelación do voó. Recibiron un sms nos seus telefones móbeis após de saber que non ían embarcar. O mesmo día 25. As alternativas de Ryanair foron: un voó para o 5 de agosto ou viaxar en bús. Loxicamente, a maior parte destas persoas de vacacións en Italia non podían permitirse alongar tanto a súa estancia. Finalmente foron en bús con menores e sen estar acondicionado para unha viaxe tan longa”.

A parlamentar de En Marea pide a Fomento que realice unha investigación dos feitos, faga un control exhaustivo tanto das codicións laborais do personal como da seguridade. “Esta o Ministerio a facer xestións perante Ryanair en relación ao conflito laboral? Levou a cabo inspecións laborais?”.

Fernández pon de manifesto que os problemas laborais desta compañía aérea no ámbito laboral “son un burato negro que foi obxecto de constantes denuncias, movilizacións, folgas e protestas. Ao igual que en anos anteriores tivo en cuesti´n cuestións de seguridade debido á súa cicatería co combustíbel”.

Para a deputada de En Marea, Fomento “debe levar a cabo unha inspeción polo inadmisíbel comportamento da compañía low cost”.