En Marea preguntará ao presidente da Xunta que vai facer para poñer fin a intolerable desigualdade entre ricos e pobres que deixou a recesión

O voceiro Luís Villares anunciou os temas que o seu grupo levará ao pleno da vindeira semana no Parlamento centrados garantir os recursos suficientes para os servizos de urxencias, acceso á vivenda e incremento dos desafiuzamentos por impago do aluguer, regulación dos pisos turísticos e a precariedade laboral tamén nas contratacións da administración pública
Por o 30/10/2018 | Sección: En Marea,Política
En Marea preguntará ao presidente da Xunta que vai facer para poñer fin a intolerable desigualdade entre ricos e pobres que deixou a recesión

O voceiro de En Marea, Luís Villares, informou dos asuntos que o seu grupo ao vindeiro pleno do Parlamento de Galicia que irán orientados a problemas en tres bloques fundamentais como serán a sanidade pública, vivenda e emprego. En sanidade, o grupo parlamentario pedirá unha dotación de recursos tanto materiais como persoais para o servizo de urxencias do CHUS para garantir un servizo básico e polo tanto un dereito fundamental da cidadanía. “Temos un colectivo mobilizándose por todas  e por todos” asegurou Luís Villares que animou a Feijóo a demostrar que está do lado das profesionais como dixo se é realmente é así.

En relación a vivenda, En Marea levará dúas iniciativas, a primeira sobre vivenda protexida. Villares denunciou a reserva significativamente menor a promoción de vivenda protexida entre outras cuestións porque teñen un xeito de computar demandantes de xeito opaco e que deixa fora xente que si a precisa. Os datos oficiais amosan un incremento alarmante dos desafiuzamentos en Galicia fronte ao resto do Estado e sobre todo por impago do aluguer tras unha subida do 15 por cento de subida nos prezos mentres o Goberno galego “non está a dar ningún tipo solución”. Outra das iniciativas irá orientada a afrontar as situación de infravivenda no noso país.

En Marea levará tamén a necesidade de regular os apartamentos turísticos que evite especulación no centro das cidades que tamén inflúe nos problemas de acceso á vivenda e prezos do alugueiro.

O terceiro bloque de iniciativas que En Marea levará ao vindeiro pleno estará relacionado co emprego. O primeiro dos conflitos laborais para o que o grupo pedriá a intervención da Xunta de Galicia será para mellorar as condicións salariais e laborais dos produtos elaborados do mar. A grave situación de Proxecto Home será outro dos conflitos laborais que se levarán á Cámara galega. En último lugar, o voceiro de En Marea salientou a iniciativa do seu grupo na que denunciará a precarización das condicións laborais no sector público e as contratacións no SERGAS.

A pregunta ao presidente da Xunta de Galicia na vindeira sesión de control será precisamente relativa a que pensa facer o goberno galego para acabar coa intolerable desigualdade entre ricos e pobres que existe a día de hoxe no noso país como consecuencia dos anos de recesión. Mentres a maior parte da poboación perdeu arredor dun 20 por cento de poder adquisitivo, o número de multimillonarios aumentou nun 417 por cento, e agora que recuperouse o nivel de riqueza anterior aos anos de crise, esta está peor repartida como denunciou Luís Villares. Unha tendencia ante a que o Goberno galego semellan non ten pensado facer nada analizando os orzamentos presentados pola Xunta de Galicia para o vindeiro ano.

Noticias de última hora en Vigo

Comentar noticia

Your email address will not be published.