En Marea reclama unha reforma profunda do Código Penal tra-la condena de Estrasburgo a España

Luís Villares: “cómpre unha reforma profunda do Código Penal que se adapte plenamente ás garantías das liberdades civís, non hai democracia sen unha opinión pública libre”.
Publicado por o día 13/03/2018 na sección de En Marea,Política

En Marea reclama unha reforma profunda do Código Penal tra-la condena de Estrasburgo a España

En Marea reclama unha “reforma profunda do Código Penal que se adapte plenamente ás garantías das liberdades civís” tal e como sinala o Tribunal Europeo dos Dereitos Humanos. Así o manifesta o voceiro da formación, Luís Villares, despois de coñecerse a resolución do TEDH que obriga a España a devolver a multa de 2.700 euros aos mozos condenados en 2008 por inxurias á coroa e a indemnizalos con 9.000 euros.

A raíz desta senteza “cómpre ter clara a liberdade de expresión como fundamento dunha sociedade democrática na que a pluralidade de ideas debe poder manifestarse”, asegura Luís Villares. O líder de En Marea afirma que “non hai democracia sen opinión pública libre e por iso debe rematar inmediatamente a persecución de formas incómodas sobre todo para o poder da liberdade de expresión” como poden ser letras de cancións, actuacións de titiriteiros ou calquera outra manifestación xa que “están amparadas por unha liberdade básica, a liberdade de expresión”.

A reforma do Código Penal que propón En Marea remataría coa “autocensura imposta neste clima de redución de liberdades no que estamos inmersos nos últimos anos”, conclúe Luís Villares.