Esgotadas as citas para a renovación do DNI na Guarda ata o mes de abril

Publicado por o día 30/01/2019 na sección de A Guarda,Galicia

Esgotadas as citas para a renovación do DNI na Guarda ata o mes de abril

Xa non quedan citas dispoñibles no noso concello para a renovación do Documento Nacional de Identidade (DNI) ata o mes de abril de 2019.

A partir do mes de marzo informarase da apertura do prazo para a solicitude de novas citas nos meses abril, maio e xuño, ofertadas pola unidade móbil do Corpo Nacional de Policía de Vigo. Ata entón, aquelas persoas que de xeito urxente necesiten realizar a renovación do seu DNI, poderán acudir ás oficinas de expedición de Tui (na rúa Párroco Rodríguez Vázquez, 3) ou Vigo (rúa Álvaro Cunqueiro, 6) previa solicitude de cita no teléfono 060 ou ben a través da páxina web www.citapreviadni.es.