Esquerda Unida adhírese ao manifesto e aoia as reivindicacións de FOANPAS sobre o proxecto de zonificación escolar da Xunta para Vigo

Publicado por o día 16/01/2018 na sección de Esquerda Unida,Política

Esquerda Unida adhírese ao manifesto e aoia as reivindicacións de FOANPAS sobre o proxecto de zonificación escolar da Xunta para Vigo

Esquerda Unida de Vigo, na asemblea aberta que celebrou onte para abordar a cuestión da zonificación escolar rexeita a proposta da consellería de educación por ser unilateral, sen apenas consenso nen negociación coa comunidade escolar e os axentes sociais e sindicais da cidade. Denuncia que ademáis, responde a intereses cara o beneficio dos colexios concertados e as empresas privadas de transportes.

Esquerda Unida de Vigo considera necesaria a convocatoria do consello escolar municipal para que aborde o proxecto de zonificación proposto, así como a paralización do proxecto por parte da Xunta e o reinicio do proceso de consulta e a concreción dun grupo de traballo plural, representativo e con capacidade decisoria sobre a proposta.

Esquerda Unida apoia as mobilizacións que como a do próximo venres, a comunidade educativa vai lanzar para sensibilizar á cidade.