Esquerda Unida pide a xestión pública directa dos Parkings en Concurso en Vigo

Por o 04/02/2015 | Sección: Esquerda Unida,Política
Esquerda Unida pide a xestión pública directa dos Parkings en Concurso en Vigo

-Esquerda Unida pide a xestión pública directa dos Parkings do Calvario, Coia e Rosalía de Castro.

 O coordinador local de EU e candidato á alcaldía de Vigo, Rubén Pérez, considera que nunca deberon saír a concurso para a súa xestión a través de empresas privadas e mesmo algún deles nin debería “ter sido construído pola cercanía doutros parkings que nunca están completos”.

ESQUERDA UNIDA considera que a xestión dos parkings directamente dende o Concello a través da fórmula de empresa pública non só é posible senón que ante a realidade de que os aparcamentos públicos deberían ser un servizo e non un negocio lucrativo.

Para EU o uso do solo e subsolo na cidade é público, polo que perfectamente un Concello pode asumir a xestión directa do servizo, ofertando tarifas con bonificacións a traballadores e traballadoras das áreas que comprende a área de influencia do Parking.

Esquerda Unida considera que a construcción e adxudicación de estos parkings responde, unha vez mais, a intereses económicos de empresas privadas, facilitados polo concello, e, unha vez máis, con resultados nefastos na xestión posterior, como era de esperar, o adxudicar o servizo a empresas que non ofrecían a solvencia necesaria para a correcta xestión do servizo.

PRENSA ESQUERDA UNIDA VIGO

Noticias de última hora en Vigo