Esquerda Unida súmase e chama a participar nas concentracións convocadas por SOS Sanidade Pública para este mércores 24 de xaneiro

Esquerda Unida súmase e fai un chamamento á participación nas diferentes concentracións convocadas pola Plataforma SOS Sanidade Pública, este mércores 24 de xaneiro, a prol da defensa da nosa sanidade contra os recortes continuos do goberno de Feijóo e contra a modificación da Lei de Saúde que pretende levar a cabo o PP.

Dende Esquerda Unida entendemos que a intención do PP de modificar a Lei Galega de Saúde só afonda no desmantelamento e na privatización do sistema sanitario, polo que esiximos a súa retirada inmediata. Por iso, facemos un chamamento á cidadanía para que se sume a estas concentracións, xa que os recortes impostos polo actual goberno poñen en perigo a atención sanitaria.

Eva Solla, coordinadora nacional de Esquerda Unida e deputada de En Marea e Rubén Pérez, secretario de Organización de Esquerda Unida, estarán nas seguintes localizacións:

EVA SOLLA, coordinadora nacional de Esquerda Unida e deputada de En Marea.

Lugar: Praza do Toural (Compostela).

Hora: 20 h.

RUBÉN PÉREZ, secretario de Organización de Esquerda Unida.

Lugar: Diante do PAC de Vigo.

Hora: 20 h.