Esquerda Unida Vigo celebra unha xornada de traballo sobre a construcción da Unidade Popular en Vigo

Publicado por o día 21/08/2015 na sección de Esquerda Unida,Política

Esquerda Unida Vigo celebra unha xornada de traballo sobre a construcción da Unidade Popular en Vigo
  • Militantes, simpatizantes e activistas sociais traballarán este sábado 22 en Vigo sobre os procesos de unidade da Esquerda Política e Social.

O coordinador local de EU en Vigo, Rubén Pérez, e voceiro do grupo municipal da MAREA DE VIGO considera que EU ten sido partes sustancial de moitos procesos de encontro e construcción de alternativas electorais como AGE ou as diferentes candidaturas municipais das que AS MAREAS teñen sido parte importante, “pero a disparidade de procesos, cada vez máis complexos e con diversos actores” require un debate serio e riguroso de como encarar a construcción da unidade popular, da concrección dun programa alternativo e das metodoloxías de participación pública da cidadanía consciente.

Para o concelleiro da MAREA DE VIGO e coodinador local de EU “o que buscan estas xornadas é analizar o papel que xoguemos, pero tamén a actitude e o estilo que empreguemos na nosa relación con outras forzas políticas e movementos sociais, determinarán en gran medida nosa credibilidade como actor político convencido da unidade popular e como axente activo dos procesos de confluencia.”

En Esquerda Unida moitos compañeiros e compañeiras levamos moitos anos confluíndo con movementos sociais e construíndo resistencias e converxencias colectivas, o que nos achega unha bagaxe experiencial considerable e unhas relacións consolidadas sobre as que cimentar a promoción da Unidade Popular.

No marco desta xornada tamén trataremos exemplos exitosos de construcción de unidade popular como a dos municipios de Madrid, Zaragoza, A Coruña e Barcelona.

PRENSA ESQUERDA UNIDA VIGO