Esquerda Unida Vigo denuncia os despedimentos de 13 traballadores de Povisa

Publicado por o día 27/02/2015 na sección de Esquerda Unida,Política

Esquerda Unida Vigo denuncia os despedimentos de 13 traballadores de Povisa

– Esquerda Unida denuncia os despedimentos que no día de hoxe notificou a dirección de Povisa a 13 traballadoras/es.

O coordinador local de EU e candidato á alcaldía de Vigo, Rubén Pérez, considera este anuncio, outro exemplo do abuso que esta empresa está exercer en todos os ámbitos e exixe o SERGAS que os parámetros de calidade asistencial que aplica os centros públicos sexan tamén aplicados con Povisa, xa que o orzamento autonómico deriva varios millons de euros a este hospital.

10 celadores e 3 do arquivo son as primeiras persoas despedidas despois da retirada do ERE por parte da empresa. Mentres que o persoal de arquivo desaparece, as tarefas dos celadores serán asumidas por auxiliares de enfermería, MERMANDO, TODAVIA MÁIS, A CALIDADE ASISTENCIAL DE POVISA no tocante o ratio de persoal sanitario por número de camas.

Esquerda Unida considera que o servizo sanitario dun area tan importante como a de Vigo, non pode estar a expensas dos intereses económicos dun grupo empresarial.

Rubén Perez considera que, un hospital que forma parte da rede hospitalaria do sergas, non pode ser moeda de cambio nas aventuras empresariais e no engorde de sociedades pensadas para a evasión fiscal como as SICAV’S, que a familia Silveira atesora.

Consideramos estes despidos un ERE encuberto, o ter retirado o ERE extintivo plantexado fai unhas semanas, pola imposibilidade de xustificar o último exercicio fiscal, e, non poder aportar a documentación exixida por lei, e, neste caso, polo comité de empresa dentro da negociación do expediente. Esta imposibilidade ven dada, ademáis de pola complicidade do goberno da Xunta de Galicia, a traves do SERGAS,  polos beneficios obtidos por esta empresa, a costa do desmantelamento sistemático da sanidade pública.

PRENSA ESQUERDA UNIDA VIGO