Evacuado en helicóptero tras caer desde o alto dun silo mentres traballaba en Castrelo de Miño

Publicado por o día 07/09/2018 na sección de Sucesos

Evacuado en helicóptero tras caer desde o alto dun silo mentres traballaba en Castrelo de Miño

Un operario resultou ferido esta tarde en Castrelo de Miño ao caer desde o alto dun silo duns seis metros de altura. Segundo a información facilitada ao 112 Galicia, o traballador rematou encima dun tellado a dous metros do chan.

Os feitos ocorreron no lugar da Bouza, na parroquia de Macendo. Ata alí desprazouse o helicóptero medicalizado do 061-Urxencias Sanitarias con base en Ourense, que evacuou ao operario ferido ata o centro hospitalario de referencia.

Unha persoa particular alertou do sucedido ao 112 Galicia ao fío das 15:40 horas e, decontado, o persoal do 112 Galicia pasou o aviso ao 061-Urxencias Sanitarias, á Garda Civil, a Protección Civil, ao GES de Ribadavia e aos Bombeiros do Carballiño.

Unha vez no lugar do accidente laboral, os servizos de emerxencia baixaron do tellado ao operario e foi trasladado na aeronave a un centro hospitalario.