Extinguido o incendio forestal do concello coruñés da Pobra do Caramiñal, parroquia de Lesón

Segundo as últimas medicións con GPS, afectou unha superficie de 47,29 hectáreas, a maior parte de monte arborado
Publicado por o día 12/07/2020 na sección de Medio Ambiente,Sucesos

Extinguido o incendio forestal do concello coruñés da Pobra do Caramiñal, parroquia de Lesón

A Consellería do Medio Rural informa de que o lume forestal rexistrado no concello da Pobra do Caramiñal, parroquia de Lesón, deuse por extinguido ás 13,26 h. de hoxe, tras iniciarse ás 03,38 h. da madrugada de onte.

Segundo as últimas medicións con GPS, este incendio afectou unha superficie de 47,29 hectáreas, das cales 40 corresponden a monte arborado e as restantes 7,29 a raso. Para a súa extinción mobilizáronse en total 7 axentes, 19 brigadas, 8 motobombas, 1 pa, 4 avións e 7 helicópteros.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.

Comentar noticia

Your email address will not be published.