Un incendio declarado no interior dunha vivenda, no concello lucense de Cospeito, mantivo en alerta aos servizos de emerxencia na madrugada de hoxe. Por fortuna, ninguén resultou ferido aínda que o inmoble ardeu por completo.

Ás 17:45 horas da tarde de onte, os xestores do 112 Galicia recibiron a chamada de varias persoas particulares, que informaban dun lume nunha casa no lugar de Moinelos, na parroquia de Xustás, en Cospeito.

Segundo puido saber o 112 Galicia, o lume quedou sufocado ao redor das 03:00 horas. Con todo, os servizos de extinción advirten que a vivenda pode fumegar aínda durante algúns días debido ás elevadas temperaturas alcanzadas.

Ata o punto desprazáronse, tras ser alertados polo Centro Integrado de Atención ás Emerxencias, os Bombeiros de Vilalba, axentes da Garda Civil e tamén os profesionais de Urxencias Sanitarias de Galicia-061.

Noticias Vigo

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.