FACUA-Consumidores en Acción alerta do fallo do airbag do condutor dianteiro nos Skoda Octavia, Rapid, Fabia, Kodaq, Karop e Superb, en concreto nos modelos 2018-2019.

A Dirección Xeral de Consumo informou de que o problema radica en que o airbag pode non inflarse coa rapidez necesaria, polo que é posible que non ofreza suficiente protección ao condutor en caso de accidente.

Esta incidencia está incluída, con data de 21 de agosto, na rede de alertas deste organismo, dependente do Ministerio de Sanidade, Consumo e Benestar Social.

Volkswagen Group España Distribución comunicou este problema ás autoridades de consumo de Cataluña e contactou cos propietarios dos vehículos afectados para substituír o airbag do volante.

A compañía non ofrece ningunha información sobre este asunto a tráves da súa páxina web.