Publicado por 
FACUA-Consumidores en Acción informa da ampliación da alerta farmacéutica sobre o medicamento para o alzhéimer Memantina Pensa na súa presentación de 20 miligramos (mg), 56 comprimidos recubertos con película EFG, ao non superar adecuadamente o estudo de estabilidade.
A Axencia Española de Medicamentos e Produtos Sanitarios (Aemps) avisa da orde de retirada e devolución ao laboratorio polos cauces habituais dos lotes M002 e M003, con data de caducidade para o mes de setembro do ano 2020. A Axencia xa emitiu o pasado 3 de decembro unha alerta polo mesmo motivo para o lote L001.
Este medicamento foi fabricado polo Grupo Uriach, con sede no munipio de Palau- solità i Plegamans (Barcelona). A Aemps, dependente do Ministerio de Sanidade, Consumo e Benestar Social insta as comunidades autónomas a que realicen un seguimento da súa retirada.
O organismo que dirixe María Jesús Lamas indica na alerta que a orde de retirada destes lotes do Memmantina Pensa débese ao “resultado fóra de especificacións obtido nos estudos de estabilidade en curso para o parámetro velocidade de disolución”.
FACUA recomenda aos usuarios que, no caso de que teñan algunha unidade dos lotes afectados, acudan á farmacia onde a adquiriron para cambiala por outra dun lote que non sexa ningún dos mencionados na alerta farmacéutica.
Noticias de última hora en Vigo
