Falece un home ao quedar atrapado debaixo do tractor que manexaba na Estrada

Por o 27/12/2017 | Sección: Sucesos
Falece un home ao quedar atrapado debaixo do tractor que manexaba na Estrada
Compartir en:

Un home de avanzada idade faleceu este mediodía na Estrada ao quedar atrapado debaixo do tractor que conducía. Segundos os datos facilitados ao 112 Galicia, o corpo do varón tivo que ser excarcerado polos Bombeiros do Deza.

Os feitos tiveron lugar na parroquia de Oca, na leira dunha casa situada á altura do número 40.

Un particular contactaba co 112 Galicia ás 12:45 horas para dar conta do ocorrido.

Decontado, o persoal do Centro Integrado de Atención ás Emerxencias (CIAE) 112 Galicia pasaba o aviso ao 061-Urxencias Sanitarias, aos Bombeiros do Deza, ao Grupo de Emerxencias Supramunicipal  (GES) da Estrada e á Garda Civil.