Falece un ciclista tras caer da bicicleta que conducía ao sufrir unha indisposición en Caldas de Reis

Publicado por o día 02/08/2020 na sección de Sucesos

Falece un ciclista tras caer da bicicleta que conducía ao sufrir unha indisposición en Caldas de Reis

Un home faleceu este mañá na localidade pontevedresa de Caldas de Reis tras sufrir unha caída da bicicleta que manexaba.

O ciclista, segundo informou o alertante que chamou ao 112 Galicia para solicitar asistencia tras presenciar o suceso, comezou a moverse dun lado a outro da calzada, o que provocou a caída e o seu pasamento.

Ocorreu, sobre as 10:15 horas, na N-550, á altura de Bemil, en Caldas de Reis.

Ata o lugar desprazouse decontado un equipo do Servizo de Urxencias Sanitarias de Galicia-061, que só puido confirmar o falecemento da persoa.

Tamén, nada mais recibir o aviso do alertante, os xestores do 112 Galicia informaron da situación aos Bombeiros de Vilagarcía, aos axentes de Tráfico, da Policía Local e aos efectivos de Protección Civil da localidade.

Comentar noticia

Your email address will not be published.