Falece un peón despois de ser atropelado por un turismo en Ourense

Un peón faleceu esta mañá despois de ser atropelado por un turismo.

Sobre as 10:15 horas, un particular pedía axuda ao 112 Galicia. Indicaba que acababa de atropelar a un peón na Rúa Vázquez Díaz Tanco, á altura da Universidade Laboral.

Decontado, os xestores de emerxencias puxeron en alerta ao 061-Urxencias Sanitarias e á Policía Local, que nada mais chegar ao punto, só puideron confirmar o falecemento da persoa.

Os Bombeiros da cidade e os efectivos de Protección Civil tamén foron informados polo 112 Galicia.