Publicado por 
Dous homes de idade avanzada perderon a vida a tarde de onte en Lalín despois de que o tractor co que circulaban envorcase nun camiño próximo á parroquia de Castro de Cabras.
O 112 Galicia tivo constancia do ocorrido a través da alerta de varias persoas particulares que atoparon o vehículo envorcado ao fío das 14:30 horas. Indicaban no seu relato que había dúas persoas atrapadas baixo o tractor.
Acto seguido, os xestores do 112 Galicia puxeron a situación en coñecemento do 061-Urxencias Sanitarias, que mobilizou ata o lugar dos feitos o helicóptero medicalizado con base en Santiago. Ademais, desde o CIAE-112 requiriuse a intervención dos Bombeiros do Deza, do GES de Lalín, da Garda Civil e da Policía Local.
Unha vez no lugar do accidente, os profesionais sanitarios nada puideron facer por salvarlle a vida aos dous homes accidentados.
A partir de aí, o persoal do 112 Galicia informou ao Grupo de Intervención Psicolóxica en Catástrofes e Emerxencias (GIPCE) por se fose preciso asistir aos familiares das vítimas.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.
