O pasado día 15 de decembro na comarca de Vigo, naceu a organización “Vigo Antifascista”. O noso obxectivo é frear o crecente auxe que está experimentando o fascismo nos diferentes ámbitos (forzas armadas, corpos represivos, fundacións franquistas, partidos políticos como Vox, xudicatura, medios de comunicación, etc.)
Esta deriva reaccionaria é posibel porque as institucións amparan e promoven o fascismo con total normalidade. Hoxe en día, aínda se subvencionan plataformas e fundacións fascistas, algo inaudito nun “estado democrático”.
Os fascistas pululan por todos os estamentos do Estado, a reforma política impulsada por Franco- Juan Carlos I, non depurou as institucións do actual réxime de elementos reaccionarios. E máis, foron os políticos fascistas con importantes responsabilidades con Franco, os encargados de levar a cabo a mal chamada “Transición” para controlar as rendas da reforma e evitar calquer descontrolo. Como dixo o propio Franco: “Todo atado e ben atado”.
Adolfo Suárez e outros dirixentes fascistas, Cabanillas Gallas, Arias Salgado, Fernández Miranda, Posada Cacho, Mariscal de Gante, Oreja, Cisneros, Manuel Fraga, Martín Villa, Ruiz Gallardón, Pérez Llorca, etc, foron os encargados de traer a “democracia” ao Estado español. Da noite á mañá fixéronse demócratas?
Todos os fascistas da época de Franco continuaron nos seus cargos, ou ascenderon a postos de maior responsabilidade. A farsa da transición española supuxo a continuación do franquismo “maquillado”.
A mesma oligarquía da dictadura, e que continua co poder no actual réxime de 78, é a responsábel do auxe do fascismo. Consciente dos problemas económicos que a crise sanitaria do Covid19 provoca nos sectores populares, empregan o fascismo para evitar que o pobo traballador se organize.
Ante este grave escenario que padecemos na Galiza e no resto do estado, Vigo Antifascista xorde para evitar que aconteza algo semellante ao vivido no holocausto do 36. O fascismo debe ser combatido de frente e esmagado, non podemos permitir que ocupen as rúas.
“Organízate no antifascismo combatente! Organízate en Vigo Antifascista!”, manifesta Vigo Antifascista.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.