Feijóo incide na importancia do traballo conxunto de profesionais e administracións para afrontar os retos do futuro e manter a equidade, a universalidade e a accesibilidade da Sanidade Pública

Subliña que as comunidades e o Goberno central teñen que afrontar retos como a mellora do sistema informático; a falta de profesionais en atención primaria e en determinadas especialidades, así como a sustentabilidade do sistema
📣 Publicado por el 31/10/2019 en la sección de Sanidad - Xunta de Galicia

Feijóo incide na importancia do traballo conxunto de profesionais e administracións para afrontar os retos do futuro e manter a equidade, a universalidade e a accesibilidade da Sanidade Pública

O presidente do Goberno galego, Alberto Núñez Feijóo, referiuse onte á importancia do traballo conxunto de profesionais e administracións para afrontar os retos do futuro e manter a equidade, a universalidade e a accesibilidade da Sanidade Pública.

“Temos que seguir avanzando para xuntos afrontar os retos”, dixo, subliñando que as comunidades e o Goberno central que saia das vindeiras eleccións teñen que afrontar retos como a mellora do sistema informático do Sistema Nacional de Saúde; a falta de profesionais en atención primaria e en determinadas especialidades, así como a sustentabilidade do sistema.

Durante a cerimonia de entrega da XIV edición dos Premios Best in Class (BIC), Feijóo aseverou que “nos esperan miles de retos e precisamos recursos”, asegurando que a Sanidade Pública é para un presidente autonómico a súa principal prioridade.

Non en van, salientou que as comunidades destinan entre o 40 e o 44 % dos seus orzamentos para esta materia. Así mesmo e a modo de exemplo, lembrou os 1.000 millóns de euros que Galicia destina ao gasto farmacéutico

O presidente da Xunta concluíu con palabras de recoñecemento para todos os premiados e, moi especialmente, para os servizos da Sanidade Pública galega galardoados nestes premios.

Comentar noticia

Your email address will not be published.