Fin de semana de incumprimento dos servizos minimos nos PACS de Pontevedra

Publicado por o día 10/06/2019 na sección de Sanidad

Fin de semana de incumprimento dos servizos minimos nos PACS de Pontevedra

Unha vez máis os Pacs deben asumir as fins de semana sen os suficientes médicos/enfermeiras en quenda. Nesta ocasión foi a Xerencia da área de Pontevedra a que vulnerou os servizos mínimos establecidos, sendo os Pacs de Caldas, Marín e A Parda (en Pontevedra) os que se viron privados dun médico e nun deles Caldas, tivo que asumir cun só facultativo toda a garda. Isto propiciou situacións como a do pasado sábado no Pacs de Caldas que permaneceu aproximadamente unha hora e media sen equipo sanitario, posto que o único equipo presente tivo que trasladar un posible código ictus. O domingo tocoulle ao pac de Marín de 10 a 22 , estar a traballar cun
médico de menos e non ter ata case finalizada a tarde, identificado o médico para a noite. Igualmente ao Pac da Parda que atende entre outras zonas a cidade de Pontevedra, pasoulle o mesmo. O tempo cun médico de menos fose maior se non é polo esforzo e a responsabilidade dos os médicos saíntes de garda, que quedaron unhas horas á espera da incorporación do persoal de reforzo , demostrando que unha vez máis é o propio persoal o que ten que liquidar a mala planificación da xerencia de Pontevedra, xa que na maioría dos casos, as ausencias foran avisadas con anterioridade suficiente., habemos de lembrar de novo que os PACs seguimos en folga e que os servizos mínimos foron fixados no 100% polo propio Sergas , a pesar de que sigan sendo as súas xerencias as que se empeñen en incumprilos unha e outra vez.