Folga en defensa do emprego e das condicións de traballo no sector de transporte en autobús

Publicado por o día 20/06/2017 na sección de CC.OO,CIG,Protestas,Sindicatos,UGT

Folga en defensa do emprego e das condicións de traballo no sector de transporte en autobús

CCOO, UGT e CIG manteñen mantén a convocatoria de folga no sector de transporte de viaxeiras e viaxeiros en autobús. Os paros terán lugar os días 20 e 21 de xuño e repetiranse cada martes e mércores. Deste xeito os sindicatos protestan cpmtra a conxelación das condicións laborais no ámbito e tamén contra a reordenación do mapa do transporte que propón a Xunta, que cualifican de «ERE encuberto.

Os sindicatos reprochan a «intransixencia» da patronal, que mantén bloqueados os convenios —no caso de Ourense, desde o 2012—. Así mesmo, censuran que o anteproxecto da Xunta debuxa un panorama de «precarización e recortes» —por exemplo, priman as xornadas parciais.

O reponsable do sector de transporte por estrada de CCOO, Marcos Pérez, reprochoulle ao Goberno galego de «falta de visión» e acusou a Xunta de «non medir o impacto social» da devandita reordenación, que «deixará sen servizo a moitas localidades, que ficarán incomunicadas».

«ERE encuberto»

O voceiro de CCOO alerta do impacto sobre o emprego que terá a medida. Segundo os cálculos de Pérez, ata o ano 2019 poderían desaparecer case o 30% dos postos de traballo, ao redor de mil empregos. Ante a magnitude das cifras, non dubidou en cualificar de «ERE encuberto» a medida.