Gadis e a Fundación Seedo fomentan hábitos de vida saudabels en Vigo

O tráiler coa exposición itinerante que promove a alimentación equilibrada e o consumo responsable chega a Vigo este mércores, 6 de novembro, e o xoves 7.
Publicado por o día 05/11/2019 na sección de Galicia,Vigo

Gadis e a Fundación Seedo fomentan hábitos de vida saudabels en Vigo

Supermercados Gadis continúa fomentando hábitos de vida saudables en colaboración coa Fundación para o Estudo da Obesidade SEEDO no marco do programa “Alixeira a túa vida”. Por 5ª edición consecutiva, o tráiler coa exposición itinerante que retomou o seu roteiro polas rúas de Galicia e Castela e León chega a Rúa de Sebastián Elcano, á beira da Igrexa de Bouzas (Vigo), este mércores 6 de novembro, de 11 a 14 e de 16 a 20 horas, e o xoves 7 de 11 a 14 e de 16 a 19 horas.
 
Monitores especializados guían a visita a través da exposición, que se compón de contidos multimedia, imaxes e actividades interactivas como o xogo dixital “Pon en orde a túa neveira”, que proporciona pautas para preservar nas mellores condicións cada alimento, controlar o consumo de enerxía, etc.
 
Pola súa banda, os máis pequenos aprenden de maneira participativa coas pirámides físicas e o xogo de separación selectiva de residuos. O calendario de froitas e verduras de tempada é, en cada edición, un dos paneis orientativos máis consultados polo público de todas as idades.
 
Os contidos articúlanse ao redor de tres grandes bloques temáticos: consellos para levar unha dieta sa e equilibrada e a importancia de realizar exercicio físico; pautas para que nos fogares o consumo sexa seguro e estea baseado na sustentabilidade; e información para evitar na medida do posible o desperdicio alimentario.
 
O tráiler percorrerá durante os dous próximos meses máis de 30 localidades de Galicia e Castela e León. A súa instalación en zonas céntricas posibilita que os seus contidos cheguen a un público maior. Máis de 20.000 persoas visitan a exposición itinerante anualmente.
 
A colaboración de Gadis coa Fundación SEEDO forma parte do programa de Responsabilidade Social Corporativa de GADISA, que prioriza as iniciativas relacionadas co fomento do deporte e hábitos de vida sans e equilibrados. Pola súa banda, a Fundación SEEDO ten como obxectivo desenvolver iniciativas de prevención e tratamento da obesidade en todo o territorio nacional.
 

Comentar noticia

Your email address will not be published.