Gadis recibe dous novos premios nacionais pola súa contribución para promover hábitos de vida saudables

A compañía logrou senllos galardóns no SaludFestival, un certame de carácter internacional promovido pola Fundación Gala no que se premian as mellores campañas do sector da alimentación e a saúde
Publicado por o día 28/05/2019 na sección de Empresas

Gadis recibe dous novos premios nacionais pola súa contribución para promover hábitos de vida saudables

Supermercados Gadis volveu a ser recoñecida pola súa contribución para promover hábitos de vida saudables e consumo responsable entre a sociedade. Nesta ocasión, dúas foron os premios recibidos no marco do SaludFestival, no que competiron multinacionais e destacadas empresas de ámbito nacional nas áreas de alimentación e saúde.
 
No apartado de mellor uso da mensaxe en Responsabilidade Social Corporativa, o máximo galardón recaeu na campaña do tráiler de vida saudable. Unha exposición itinerante que, desde fai catro anos, percorre máis de trinta localidades de Galicia e Castela e León concienciando sobre a importancia de levar unha vida sa e practicar deporte desde a infancia.
 
Monitores especializados desprázanse no tráiler, que alberga contidos multimedia, imaxes e textos didácticos adaptados a todos os públicos: pautas para seguir unha dieta sa; claves para lograr un consumo seguro e sustentable e información para diminuír ou evitar o desperdicio alimentario nos fogares.
 
O segundo dos premios foi na categoría de mellor estratexia en campaña integrada, á acción Gadis Saudable que, unha vez máis, incide na importancia de alcanzar un equilibrio na alimentación.
 
O xurado está composto por diferentes profesionais expertos en alimentación, consumo e saúde. Os galardóns entregáronse no Teatro Fernando de Rojas, no Círculo de Belas Artes de Madrid.
 
Gadis mostrou a súa satisfacción e agradecemento por recibir estes premios, que recoñecen o esforzo realizado pola compañía en promover hábitos saudables dentro do programa de Responsabilidade Social Corporativa, con máis de 2.100 accións anuais.

Comentar noticia

Your email address will not be published.