O goberno local mosense redistribúe ás áreas de xestión coa incorporación do novo concelleiro Baldomero Lorenzo

Lorenzo asume as concellerías de Deportes, Alumeado e Eficiencia Enerxética
Publicado por o día 15/09/2017 na sección de Galicia,Mos

O goberno local mosense redistribúe ás áreas de xestión coa incorporación do novo concelleiro Baldomero Lorenzo

A semana pasada levouse a cabo durante o Pleno do Concello, na sesión ordinaria deste que tivo lugar o mércores día 6 de setembro ás 19:00 horas, a toma de posesión do novo concelleiro do Partido Popular de Mos, Baldomero Lorenzo García.

 

Tras a devandita toma de posesión de Lorenzo, veciño da parroquia de Louredo, as diferentes áreas do goberno mosense redistribuíronse pasando este a dirixir as concellerías de Deportes, Alumeado e Eficiencia Enerxética.

O ata o de agora edil de Alumeado, Luis Alonso Seijo, mantén a área de Vías e Obras. Pola súa banda Sara Cebreiro continúa a dirixir os mesmos departamentos que anteriormente e que son os de Política Social, Cultura, Turismo e Réxime Interno. E tamén continúa coas mesmas concellerías que ata o de agora o edil Óscar Soto, responsable de Promoción Económica, Emprego e Novas Tecnoloxías.

Tras facerlle traspaso da carteira de Deportes ao novo edil Baldomero Lorenzo, o primeiro tenente alcalde, Alberto Méndez, continúa dirixindo as concellerías de Facenda, Contratación e Transparencia.

Por outra parte a concelleira de Urbanismo, Julia Loureiro, asume as áreas de Participación Cidadá e Mobilidade (que xa levara en lexislaturas anteriores) e traspásalle as de Medio Ambiente e Emerxencias a Cándido Pérez Rodríguez, quen leva tamén Limpeza e Parques e Xardíns.

E por último Camilo Augusto Martínez incorpora ás súas delegacións a concellería de Educación, que se suma ás áreas que xa xestionaba ata o de agora e que son Coordinación de Asociacións Veciñais, Patrimonio, e Saneamento.

Todos eles, xunto coa alcaldesa mosense, Nidia Arévalo, constitúen o equipo de goberno do Concello de Mos que, en palabras da propia rexedora local “continúa como sempre á disposición de todos e todas os/as veciños/as e traballando duro a prol da calidade de vida da veciñanza”.

Do seguinte xeito quedan establecidas as diferentes áreas do goberno mosense, trala incorporación do novo concelleiro Baldomero Lorenzo:

– ALCALDESA:
NIDIA MARÍA ARÉVALO GÓMEZ

– POLÍTICA SOCIAL, CULTURA, TURISMO, PERSOAL E RÉXIME INTERNO:
SARA MARÍA CEBREIRO ALONSO

– FACENDA, CONTRATACIÓN E TRANSPARENCIA: 
ALBERTO MÉNDEZ LAGO

– VÍAS E OBRAS:
JOSÉ LUIS ALONSO SEIJO

URBANISMO, PARTICIPACIÓN CIDADÁ E MOBILIDADE:
JULIA LOUREIRO CAMPO

– DEPORTES, ALUMEADO E EFICIENCIA ENERXÉTICA:
BALDOMERO LORENZO

– PROMOCIÓN ECONÓMICA, EMPREGO E NOVAS TECNOLOXÍAS: 
ÓSCAR SOTO ABADÍN

– LIMPEZA, PARQUES, XARDÍNS, MEDIO AMBIENTE E EMERXENCIAS:
CÁNDIDO PÉREZ RODRÍGUEZ

– COORDINACIÓN DE ASOCIACIÓNS VECIÑAIS, PATRIMONIO, SANEAMENTO e EDUCACIÓN:
CAMILO AUGUSTO MARTÍNEZ